07.03.2024

Assalomu alaykum, aziz va moʻtabar onaxonlar, munis opa-singillar!

Avvalo, Sizlarni, Sizlar orqali barcha onaxonlarimiz, opa-singillarimizni 8 mart – Xalqaro xotin-qizlar kuni bilan chin dildan tabriklayman.

Ushbu bayramning aynan bahor faslining ilk kunlarida nishonlanishida ham o‘zgacha ma’no bor.

Tabiatning uyg‘onishi va maftunkorlik kashf etishi ushbu bayram bilan boshlanadi.

Shu jihatdan ham bahor va ayol so‘zlari bir-biriga hamohang.

Qadrli opa-cingillar!

Bugun har birimiz cheksiz minnatdorlik hissi bilan Yaratganning buyuk moʻjizasi bo‘lgan ayol zotiga, mehribon onalarimiz, qadrli opa-singillarimiz sha’niga eng go‘zal so‘zlarni aytib, ezgu tilaklarni bildiramiz.

Biz Sizlarni, avvalo, fidoyilik timsoli deb bilamiz. Mehridaryo qalbingiz, aql-zakovatingiz, sevgi va sadoqatingiz uchun Sizlardan bir umr qarzdormiz.

Mehribon opa-singillar!

Tumanimizda xotin-qizlarni qo‘llab-quvvatlash, ayollarning jamiyatdagi o‘rnini yanada yuksaltirish va mustahkamlash maqsadida o‘tgan 2023-yilning o‘zida “Ayollar daftari”ga kiritilgan 4870 nafar tumandoshlarimizga 3 milliard 595 million so‘mlik yordamlar ko‘rsatildi.

799 nafar ishsiz xotin-qizlarning bandligi ta’minlandi.

500 nafardan ortiq xotin-qizlarimizning kasb-hunar o‘rganishida ko‘maklashilgan bo‘lsa, yana 164 nafar talaba qizlarimizning kontrakt to‘lovlari to‘lab berildi.

Shuningdek, uy joyining ta’miriga muhtoj 130 nafar xotin-qizlarning xonadonlari ta’mirlab berildi.

Bu kabi ezgu va xayrli ishlar joriy yilda ham davom ettirilmoqda.

Qadrli onaxonlar, munis opa-singillar!

Buyuk insonlarning hayotiga nazar tashlasak, ularning shu darajaga yetishishida mehribon onalari, dono rafiqalarining muhim o‘rniga guvoh bo‘lamiz.

Prezidentimiz so‘zlari bilan aytganda, bugungi farovon hayotimiz ham, yorug‘ kelajagimiz ham albatta oila va jamiyatning ustuni, hayotimizning fayzi va ko‘rki bo‘lgan ayollarga bog‘liqdir.

Hurmatli opa-singillar!

Barchangizni yana bir bor bugungi bahor va nafosat, go‘zallik va latofat bayrami bilan chin dildan tabriklayman.

Sizlarga dunyodagi eng bebaho boylik – sihat-salomatlik, oilaviy baxt-saodat, tinchlik-xotirjamlik, farzandlar va nabiralar kamolini ko‘rib yurishingizni tilayman.

Umringiz uzoq, hayotingiz doimo farovon bo‘lsin!

Go‘zal bayram barchangizga yana bir bor muborak bo‘lsin!

-----------------------------

Ассалому алайкум, азиз ва мўътабар онахонлар, мунис опа-сингиллар!

Аввало, Сизларни, Сизлар орқали барча онахонларимиз, опа-сингилларимизни 8 март – Халқаро хотин-қизлар куни билан чин дилдан табриклайман.

Ушбу байрамнинг айнан баҳор фаслининг илк кунларида нишонланишида ҳам ўзгача маъно бор.

Табиатнинг уйғониши ва мафтункорлик кашф этиши ушбу байрам билан бошланади.

Шу жиҳатдан ҳам баҳор ва аёл сўзлари бир-бирига ҳамоҳанг.

Қадрли опа-cингиллар!

Бугун ҳар биримиз чексиз миннатдорлик ҳисси билан Яратганнинг буюк мўъжизаси бўлган аёл зотига, меҳрибон оналаримиз, қадрли опа-сингилларимиз шаънига энг гўзал сўзларни айтиб, эзгу тилакларни билдирамиз.

Биз Сизларни, аввало, фидойилик тимсоли деб биламиз. Меҳридарё қалбингиз, ақл-заковатингиз, севги ва садоқатингиз учун Сизлардан бир умр қарздормиз.

Меҳрибон опа-сингиллар!

Туманимизда хотин-қизларни қўллаб-қувватлаш, аёлларнинг жамиятдаги ўрнини янада юксалтириш ва мустаҳкамлаш мақсадида ўтган 2023 йилнинг ўзида “Аёллар дафтари”га киритилган 4870 нафар тумандошларимизга 3 миллиард 595 миллион сўмлик ёрдамлар кўрсатилди.

799 нафар ишсиз хотин-қизларнинг бандлиги таъминланди.

500 нафардан ортиқ хотин-қизларимизнинг касб-ҳунар ўрганишида кўмаклашилган бўлса, яна                   164 нафар талаба қизларимизнинг контракт тўловлари тўлаб берилди.

Шунингдек, уй жойининг таъмирига муҳтож                  130 нафар хотин-қизларнинг хонадонлари таъмирлаб берилди.

Бу каби эзгу ва хайрли ишлар жорий йилда ҳам давом эттирилмоқда.

Қадрли онахонлар, мунис опа-сингиллар!

Буюк инсонларнинг ҳаётига назар ташласак, уларнинг шу даражага етишишида меҳрибон оналари, доно рафиқаларининг муҳим ўрнига гувоҳ бўламиз.

Президентимиз сўзлари билан айтганда, бугунги фаровон ҳаётимиз ҳам, ёруғ келажагимиз ҳам албатта оила ва жамиятнинг устуни, ҳаётимизнинг файзи ва кўрки бўлган аёлларга боғлиқдир.

Ҳурматли опа-сингиллар!

Барчангизни яна бир бор бугунги баҳор ва нафосат, гўзаллик ва латофат байрами билан чин дилдан табриклайман.

Сизларга дунёдаги энг бебаҳо бойлик – сиҳат-саломатлик, оилавий бахт-саодат, тинчлик-хотиржамлик, фарзандлар ва набиралар камолини кўриб юришингизни тилайман.

Умрингиз узоқ, ҳаётингиз доимо фаровон бўлсин!

Гўзал байрам барчангизга яна бир бор муборак бўлсин!