07.03.2025

Assalomu alaykum, hayotimiz quvonchi, fayzu farishtasi bo‘lgan muhtarama onaxonlar, hurmatli opa-singillar!

Yurtimizda bahorning eng go‘zal va nafis lahzalari kezayotgan, shu bilan birga, Muqaddas Ramazon oyining ushbu shukuhli kunlarida mamlakatimiz bo‘ylab xalqimizning sevimli bayramlaridan biri 8 mart – Xalqaro xotin-qizlar kuni keng nishonlanmoqda.

Avvalo, Sizlarni, Sizlar orqali barcha onaxonlarimiz, opa-singillarimizni ushbu ikki karra go‘zal ayyom bilan chin qalbimdan samimiy tabriklayman.

Qadrli opa-singillar!

Ushbu bayramning aynan bahor faslining ilk kunlarida nishonlanishida ham o‘zgacha ma’no bor. Tabiatning uyg‘onishi va maftunkorlik kashf etishi, aynan ushbu bayram arafasida boshlanadi.

Shuning uchun ham bahor va ayol so‘zlari doimo bir-biriga hamohang tarzda keladi.

Hurmatli opa-singillar!

So‘nggi yillarda mamlakatimizda xotin-qizlar muammolarini hal etish, ularning siyosiy, ijtimoiy va iqtisodiy faolligini oshirish, gender tenglikni qaror toptirish, ayollarning huquq va manfaatlarini ta’minlash kabi bir qator yo‘nalishlar bo‘yicha keng ko‘lamli ishlar amalga oshirilmoqda.

Shu jumladan, tumanimizda istiqomat qilayotgan 80 mingga yaqin xotin-qizlar ham doimiy ravishda qo‘llab-quvvatlanib, ularning jamiyatdagi o‘rnini yanada yuksaltirish va mustahkamlash ishlari davom etmoqda.

2024-yilda “Ayollar daftari” va boshqa dasturlar asosida 5 mingga yaqin xotin-qizlarga jami 2,2 milliard so‘mlik turli ko‘rinishdagi yordamlar ko‘rsatildi.

Yil davomida 2100 nafardan ortiq xotin-qizlarimiz kasb-hunarga o‘qitildi.

Shuningdek, 2650 nafarining bandligi ta’minlandi. 80 nafardan ortiq xotin-qizlarimizning yashash xonadonlari ta’mirlab berildi. 1775 nafariga 47 milliard so‘mlik kreditlar ajratilib, daromadlari oshishiga ko‘maklashiildi. 4922 nafariga zaruriy tibbiy yordamlar ko‘rsatildi. 45 nafar talaba qizlarimizning kontrakt to‘lovlari to‘lab berildi.

Bundan tashqari, xotin-qizlarga ajratilgan ipoteka kreditlari hisobidan 50 ga yaqin ayollar o‘z uylariga ega bo‘lishdi.

Tumandagi barcha mahallalarda xotin-qizlar tadbirkorlik markazlari hamda salomatlik markazlari tashkil etildi.

Bu kabi ezgu va xayrli ishlar joriy yilda ham davom ettirilmoqda.

Qadrli onaxonlar, munis opa-singillar!

Shu o‘rinda, aholi o‘rtasida turli ijobiy targ‘ibotlarni olib borishda, xalqimizning yuksak ma’naviyatli, farzandlarimizning esa ilmli, bilimli, aqlli, zukko, har tomonlama yetuk inson bo‘lib yetishishlarida ayollarimizning muhim o‘rni borligini alohida ta’kidlamoqchiman.

Sizlar tumanimizning nafaqat ma’naviy hayotida, balki, iqtisodiyot, siyosat, mahalla, ta’lim, ilm-fan, madaniyat, san’at, sport, obodonlashtirish, qishloq xo‘jaligi va boshqa ko‘plab jabhalarida doimo faolsizlar.

Mehnatingiz va kasbingizga bo‘lgan mehringiz, sadoqatingiz bilan tumanimiz ravnaqiga munosib hissa qo‘shib kelmoqdasiz.

Hurmatli opa-singillar!

Prezidentimiz so‘zlari bilan aytganda,

“Biz hayotimizning ma’no-mazmuni, butun borlig‘imizni siz, qadrli opa-singillarimizdan ayri holda tasavvur etolmaymiz. Sizlar biz uchun hamisha go‘zallik va nazokat, mehr va sadoqat, qanoat va shukronalik timsoli bo‘lib kelgansiz va doimo shunday bo‘lib qolasiz.

Mana shunday olijanob fazilatlaringiz bilan bizlarga doimo kuch-g‘ayrat, hayotga, kelajakka ishonch bag‘ishlab kelayotganingiz uchun siz, azizlarga har qancha tahsin va tasannolar aytsak, arziydi.”

Munis onaxonlar, qadrli opa-singillar!

Barchangizni yana bir bor bugungi bahor va nafosat, go‘zallik va latofat bayrami bilan chin dildan tabriklayman.

Sizlarga sihat-salomatlik, xonadonlaringizga tinchlik-omonlik, fayzu baraka tilayman.

Umringiz uzoq, hayotingiz doimo farovon bo‘lsin!

Baxtimizga hamisha sog‘-omon bo‘linglar.

Bayram barchangizga muborak bo‘lsin!

------------------------------------------------------

Ассалому алайкум, ҳаётимиз қувончи, файзу фариштаси бўлган муҳтарама онахонлар, ҳурматли опа-сингиллар!

Юртимизда баҳорнинг энг гўзал ва нафис лаҳзалари кезаётган, шу билан бирга Муқаддас Рамазон ойининг ушбу шукуҳли кунларида мамлакатимиз бўйлаб халқимизнинг севимли байрамларидан бири 8 март – Халқаро хотин-қизлар куни кенг нишонланмоқда.

Аввало, Сизларни, Сизлар орқали барча онахонларимиз, опа-сингилларимизни ушбу икки карра гўзал айём билан чин қалбимдан самимий табриклайман.

Қадрли опа-сингиллар!

Ушбу байрамнинг айнан баҳор фаслининг илк кунларида нишонланишида ҳам ўзгача маъно бор. Табиатнинг уйғониши ва мафтункорлик кашф этиши, айнан ушбу байрам арафасида бошланади.

Шунинг учун ҳам баҳор ва аёл сўзлари доимо бир-бирига ҳамоҳанг тарзда келади.

Ҳурматли опа-cингиллар!

Сўнгги йилларда мамлакатимизда хотин-қизлар муаммоларини ҳал этиш, уларнинг сиёсий, ижтимоий ва иқтисодий фаоллигини ошириш, гендер тенгликни қарор топтириш, аёлларнинг ҳуқуқ ва манфаатларини таъминлаш каби бир қатор йўналишлар бўйича кенг кўламли ишлар амалга оширилмоқда.

Шу жумладан, туманимизда истиқомат қилаётган 80 мингга яқин хотин-қизлар ҳам доимий равишда қўллаб-қувватланиб, уларнинг жамиятдаги ўрнини янада юксалтириш ва мустаҳкамлаш ишлари давом этмоқда.

2024 йилда “Аёллар дафтари” ва бошқа дастурлар асосида 5 мингга яқин хотин-қизларга жами 2,2 миллиард сўмлик турли кўринишдаги ёрдамлар кўрсатилди.

Йил давомида 2100 нафардан ортиқ хотин-қизларимиз касб-ҳунарга ўқитилди.

Шунингдек, 2650 нафарининг бандлиги таъминланди.

80 нафардан ортиқ хотин-қизларимизнинг яшаш хонадонлари таъмирлаб берилди.

1775 нафарига 47 миллиард сўмлик кредитлар ажратилиб, даромадлари ошишига кўмаклашиилди.

4922 нафарига зарурий тиббий ёрдамлар кўрсатилди.

45 нафар талаба қизларимизнинг контракт тўловлари тўлаб берилди.

Бундан ташқари, хотин-қизларга ажратилган ипотека кредитлари ҳисобидан 50 га яқин аёллар ўз уйларига эга бўлишди.

Тумандаги барча маҳаллаларда хотин-қизлар тадбиркорлик марказлари ҳамда саломатлик марказлари ташкил этилди.

Бу каби эзгу ва хайрли ишлар жорий йилда ҳам давом эттирилмоқда.

Қадрли онахонлар, мунис опа-сингиллар!

Шу ўринда, аҳоли ўртасида турли ижобий тарғиботларни олиб боришда, халқимизнинг юксак маънавиятли, фарзандларимизнинг эса илмли, билимли, ақлли, зукко, ҳар томонлама етук инсон бўлиб етишишларида аёлларимизнинг муҳим ўрни борлигини алоҳида таъкидламоқчиман.

Сизлар туманимизнинг нафақат маънавий ҳаётида, балки, иқтисодиёт, сиёсат, маҳалла, таълим, илм-фан, маданият, санъат, спорт, ободонлаштириш, қишлоқ хўжалиги ва бошқа кўплаб жабҳаларида доимо фаолсизлар.

Меҳнатингиз ва касбингизга бўлган меҳрингиз, садоқатингиз билан туманимиз равнақига муносиб ҳисса қўшиб келмоқдасиз.

Ҳурматли опа-сингиллар!

Президентимиз сўзлари билан айтганда,

“Биз ҳаётимизнинг маъно-мазмуни, бутун борлиғимизни сиз, қадрли опа-сингилларимиздан айри ҳолда тасаввур этолмаймиз.

Сизлар биз учун ҳамиша гўзаллик ва назокат, меҳр ва садоқат, қаноат ва шукроналик тимсоли бўлиб келгансиз ва доимо шундай бўлиб қоласиз.

Мана шундай олижаноб фазилатларингиз билан бизларга доимо куч-ғайрат, ҳаётга, келажакка ишонч бағишлаб келаётганингиз учун сиз, азизларга ҳар қанча таҳсин ва тасаннолар айтсак, арзийди.”

Мунис онахонлар, қадрли опа-сингиллар!

Барчангизни яна бир бор бугунги баҳор ва нафосат, гўзаллик ва латофат байрами билан чин дилдан табриклайман.

Сизларга сиҳат-саломатлик, хонадонларингизга тинчлик-омонлик, файзу барака тилайман.

Умрингиз узоқ, ҳаётингиз доимо фаровон бўлсин!

Бахтимизга ҳамиша соғ-омон бўлинглар.

Байрам барчангизга муборак бўлсин!