2021 йил мамлакатимизда Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилинганидан хабарингиз бор.
Аҳоли саломатлигини мустаҳкамлаш йўлида хизмат қилиб келаётган ТТБнинг "Физиотерапия" бўлими янги йилда бу борадаги ишларни янада ривожлантиришни режалаштирган.
Айни вақтда ушбу бўлимда барча керакли жиҳозлар: югуриш йўлакчаси, велотренажер, диск курраси, умуртқа поғонаси остеохондрози ва барча бўғимлар муаммолари ечимини топиб берадиган тренажер, гимнастик халқаралар, тўплар, гантеллар, турниклар билан жиҳозланди.
Шунингдек, бу масканда барча турдаги физиомуолажалар: парафин, массаж, электрофорез, дорини тери орқали юбориш билан даволаш каби кўплаб муолажалар амалга оширилмоқда.
Бўлим бир вақтнинг ўзида 10-12 нафаргача фуқарога хизмат қилишга мўлжалланган.
Эътиборлиси, бўлимда бўлганимизда бу ерда нафақат тумандошларимиз, балки туманимизда яшаб турган эронлик фуқаро ҳам машқлар бажараётганига гувоҳ бўлдик.
Ўз соғлиғига бефарқ бўлмаган ҳар бир фуқаро бу масканга боришига шубҳасиз.
Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.
